Gwaith ar y Campws

Rydym yn gweithio'n agos gyda'n contractwyr, ein cyflenwyr a'n partneriaid eraill i leihau effaith unrhyw waith hanfodol ar y campws a phroblemau eraill sy'n tarfu ar wasanaethau a chyfleusterau'r campws, gan gynnwys teithio ar y bws* a pharcio ceir. Mae hyn yn cynnwys trefnu gwaith swnllyd y tu allan i oriau gwaith lle bynnag y bo modd.

Byddwn yn rhoi gwybod i chi am unrhyw broblemau sy'n tarfu ar fywyd ar y campws. Isod ceir gwybodaeth am darfiadau heb eu cynllunio, yn ogystal â gweithgarwch wedi'i gynllunio a gweithgarwch parhaus ar y campws.

Os oes gennych ymholiadau neu bryderon, gallwch gysylltu â'n Tîm Gwasanaethau Cwsmeriaid.

*Sylwer bod gwasanaethau bysus yn cael eu darparu gan weithredwyr masnachol megis First Bus, sy'n cyhoeddi'r wybodaeth ddiweddaraf am eu gwasanaethau ar eu gwefannau, eu cyfrifon yn y cyfryngau cymdeithasol ac ar yr ap Firstbus.

Gwaith Adeiladu ar y Campws

Adnewyddiad Llawr 4 Tŷ’r Undeb

Mae'r gwaith adnewyddu ar lawr 4 Tŷ’r Undeb i fod i ddechrau ar 20fed Ionawr a bydd yn parhau am oddeutu wyth mis. Bydd y prosiect yn ein helpu i wella ansawdd yr amgylcheddau dysgu i fyfyrwyr ar Gampws Singleton, gan drawsnewid hen ardal swyddfa staff yn ofod addysgu y gellir ei archebu'n ganolog, a fydd yn cynnwys labordy cyfrifiaduron â 78 gorsaf, wedi’i gyfarparu’n llawn, a dwy ystafell addysgu fawr â lloriau gwastad. Rydym yn gweithio’n agos gyda’r contractwr a’r rhanddeiliaid allweddol i sicrhau bod aflonyddwch yn cael ei leihau gymaint â phosibl trwy gydol y prosiect, gan osgoi cyfnodau arholiadau hysbys yn benodol.

Adnewyddu'r Neuadd Chwaraeon - Chwaraeon Bae Abertawe Parc, Lôn Sgeti

Mae gwaith gwella hanfodol wedi dechrau i osod to newydd ar y Ganolfan Chwaraeon ym Mharc Chwaraeon Bae Abertawe, Lôn Sgeti.

Bydd y gwaith hwn yn cyflwyno gwelliannau hirdymor i'r holl ddefnyddwyr ac maen nhw’n angenrheidiol er mwyn sicrhau y bydd yr adeilad yn parhau i fod yn ddiogel, yn effeithlon o ran ynni ac yn addas at y diben, gan ddarparu profiad chwaraeon gwell fyth yn y dyfodol.

Mae ein Tîm Gwasanaethau Prosiectau wedi bod yn gweithio'n agos gyda'r contractwr i leihau effaith y gwaith i wneud yr holl welliannau a fydd yn cyfoethogi'r profiad chwaraeon drwy’r canlynol:

To newydd sbon ar y Ganolfan Chwaraeon
Goleuadau LED CLYFAR, awyru a phaneli solar wedi'u huwchraddio
Llawr pren newydd sbon yn y neuadd chwaraeon
Cylchau pêl-fasged newydd, gan alluogi chwarae cwrt llawn
Paneli acwstig i leihau adlais a sŵn

I gynnal y gwaith hwn yn ddiogel, bydd angen i'r Neuadd Chwaraeon gau tan yn hwyr yn 2025.

Prosiect Digarbon - prosiect i ddatgarboneiddio ein systemau gwresogi

Prosiect Digarbon – gwaith ymchwil tir ac adeiladau
Fel rhan o’r prosiect i ddatgarboneiddio ein systemau gwresogi, bydd gwaith ymchwil yn cael ei gynnal yn ystod mis Medi:

Gwaith ymchwil strwythurol ymledol (tua wythnos) yn Margam ac yn y Ganolfan Ynni, a fydd yn cynnwys drilio, tyllu a datgelu rhannau o waliau.

Gwaith ymchwil tir ymledol o amgylch perimedr y Ganolfan Ynni o 8 Medi am tua wythnos, a fydd yn cynnwys, tyllau turio a ffosydd prawf.

Problemau gyda Lifftiau

Lifftiau nad ydynt yn gweithio ar hyn o bryd

Campws y Bae:

Adeilad Gogleddol Peirianneg - Lifft 2
Y Twyni
Y Neuadd Fawr - Lifft 1

Campws Singleton:

Adeilad Keir Hardie - Lifft Dde, hirdymor
Sefydliad Gwyddor Bywyd 1 - Lifft Dân, hirdymor
Tŷ’r Undeb
Sefydliad Gwyddor Bywyd 1 - Lifft i deithwyr

Beth i'w wneud os nad yw lifft yn gweithio

Os nad yw lifft yn gweithio gan eich rhwystro rhag cyrraedd darlith, cysylltwch â Thîm Gwybodaeth Myfyrwyr eich Cyfadran:

Cyfadran y Dyniaethau a'r Gwyddorau Cymdeithasol

Y Gyfadran Gwyddoniaeth a Pheirianneg

Mae manylion cyswllt y tîm ar gael yma

Y Gyfadran Meddygaeth, Iechyd a Gwyddor Bywyd

Mae manylion cyswllt y tîm ar gael yma

Hysbysiadau Tarfu ar y Campws Eraill

Tarfu ar y Campws am Resymau Eraill

Gweler isod wybodaeth bwysig am barcio ar y campws yn ystod y cyfnod cyrraedd / casglu allweddi ac yn ystod Wythnos y Glas.

Yr Wythnos Gyrraedd - dydd Mercher 17 Medi tan ddydd Sadwrn 20 Medi

O nos Fawrth 16 Medi, ni fydd modd parcio ym meysydd parcio gogleddol y campws (ardaloedd A a B ar y cynllun isod), a fydd wedi eu neilltuo ar gyfer gollwng myfyrwyr yn unig.
Gall deiliaid bathodyn/trwydded anabl barhau i barcio yn y meysydd hyn.
Bydd ein tîm Diogelwch ac Ymateb Campws ar y safle i reoli mynediad a sicrhau bod y traffig yn parhau i symud.
Bydd meysydd parcio eraill ar y campws ar agor.
Bydd trefniadau parcio ar Gampws y Bae yn ôl yr arfer, sef parcio ym maes parcio Stiwdios y Bae.

Wythnos y Glas - dydd Sadwrn 20 Medi tan ddydd Gwener 26 Medi

O ganlyniad i waith ailwampio hanfodol ym Mharc Chwaraeon Bae Abertawe, cynhelir digwyddiadau Wythnos y Glas eleni ar Gampws Singleton:

O 5pm ddydd Gwener 12 Medi tan ddydd Llun 29 Medi: bydd y maes parcio y tu ôl i adeilad Taliesin ar gau (ardal C ar y cynllun isod).
Dydd Mercher 24 Medi tan ddydd Iau 25 Medi: bydd y maes parcio y tu ôl i'r Techniwm Digidol ar gau.
Dydd Llun 15 Medi a dydd Llun 29 Medi: caniateir mynediad i gontractwyr a danfoniadau yn unig y tu ôl i Dŷ'r Undeb er mwyn iddynt osod digwyddiadau a'u tynnu i lawr.

Trefniadau Teithio Amgen

Sylwer bod parcio ychwanegol ar gael yn y Rec. Pan fo'n bosibl, anogir aelodau staff i gerdded, beicio, defnyddio trafnidiaeth gyhoeddus neu rannu ceir.

Diolch am eich amynedd a'ch cydweithrediad wrth i ni gefnogi'r digwyddiadau pwysig hyn ar gyfer myfyrwyr.

Gallwch ddod o hyd i ragor o wybodaeth am deithio a thrafnidiaeth ar ein tudalennau gwe teithio.

Ystadau a Gwasanaethau Campws
Cau Meysydd Parcio yn ystod yr Wythnos Gyrraedd / Wythnos y Glas