Datganiad Preifatrwydd Rhaglen Cymorth i Raddedigion
Prifysgol Abertawe fel Rheolydd Data
Prifysgol Abertawe yw'r Rheolydd Data ac mae'n ymrwymedig i ddiogelu hawliau unigolion yn unol â Deddf Diogelu Data 2018 a Rheoliad Cyffredinol ar Ddiogelu Data y DU (UK GDPR). Mae'r Brifysgol wedi penodi Swyddog Diogelu Data a gellir ei e-bostio yn dataprotection@abertawe.ac.uk.
Diben Casglu Data
Rydym yn casglu ac yn defnyddio eich data personol i ddarparu cymorth gyrfaoedd a gwasanaethau cyflogadwyedd wedi’u teilwra. Mae hyn yn cynnwys:
- Cynnig gwybodaeth, cyngor ac arweiniad i helpu i wella eich cyflogadwyedd a’ch rhagolygon gyrfa.
- Eich galluogi i gael mynediad at apwyntiadau, digwyddiadau, gweithdai ac adnoddau gyrfaoedd wedi’u cynllunio ar gyfer graddedigion.
- Cyfathrebu â chi ynglŷn â chyfleoedd, digwyddiadau a gwasanaethau gyrfa perthnasol a allai fod o fudd i chi.
- Monitro a gwerthuso effeithiolrwydd ein cymorth gyrfaoedd, gan gynnwys llunio adroddiadau ystadegol dienw i wella ein gwasanaethau.
- Bodloni ein rhwymedigaethau cyfreithiol a rheoleiddiol, megis cymryd rhan yn yr arolwg Hynt Graddedigion ac adrodd i awdurdodau perthnasol.
- Cael adborth i ddatblygu a gwella’r cymorth gyrfaoedd a gynigiwn.
- Efallai y bydd angen i ni gasglu a phrosesu data am gategorïau arbennig (megis gwybodaeth am anabledd) i’n galluogi i deilwra’r cymorth perthnasol sydd ar gael. Dim ond gyda’ch caniatâd penodol y byddwn yn gwneud hyn, a byddwn yn gofyn am hynny pan fyddwch yn cofrestru ar y rhaglen. Mae'r hawl gennych i dynnu eich cydsyniad yn ôl ar unrhyw adeg drwy anfon e-bost i Careers@abertawe.ac.uk
Gellir casglu'r data canlynol:
- Rhif Myfyriwr
- Enw Llawn
- Cyfeiriad (côd post yn unig)
- Cyfeiriad e-bost personol/yn y brifysgol
- Rhif Ffôn
- Teitl y Cwrs
- Blwyddyn Graddio
- Statws Cyflogaeth
- Gwybodaeth i gynorthwyo arweiniad gyrfaoedd, e.e. a ydych yn teimlo eich bod yn barod i gynllunio eich gyrfa
- Sut clywsoch am y Rhaglen Cymorth i Raddedigion
- Cyfadran/Adran
- A oeddech chi'n fyfyriwr o'r DU neu'n fyfyrwyr rhyngwladol
- A ydych chi'n siarad Cymraeg
- A ydych chi'n ystyried bod gennych anabledd
- Dewisiadau o ran maes sector
- Diddordeb mewn gweithgareddau Cyflogadwyedd
- Canlyniadau ar ôl gadael y Brifysgol e.e. dilyn astudiaethau pellach neu waith ar lefel graddedigion
Sut Rydym yn Defnyddio'r Wybodaeth a Gesglir
Defnyddir yr wybodaeth a gesglir at y dibenion canlynol:
- Ymchwil a Dadansoddi: Cynnal astudiaethau ystadegol i lywio strategaethau.
- Gwybodaeth Weithredol: Darparu diweddariadau mewn perthynas â mentrau cyflogadwyedd.
- Gweithgareddau Hyrwyddo: Hyrwyddo gwasanaethau a rhaglenni cyflogadwyedd y Brifysgol.
- Cynllunio Strategol: Llywio strategaethau cyflogadwyedd, monitro tueddiadau ymgysylltu a theilwra ymdrechion allgymorth.
- Gwella Canlyniadau Graddedigion: Cydweithredu â chyflogwyr i greu cyfleoedd sy'n seiliedig ar waith a sicrhau bod sgiliau myfyrwyr yn cydweddu ag anghenion diwydiant.
- Dibenion Gweinyddol: Cynnal cofnodion cywir ar gyfer effeithlonrwydd gweithredol ac archwiliadau cydymffurfio.
Sail Gyfreithiol y Prosesu
Mae'r Brifysgol yn dibynnu ar y canlynol:
- Buddiannau Dilys: Cydlynu â chyn-fyfyrwyr i gynnig cymorth gyda chyflogadwyedd a datblygu gyrfaoedd.
Rhannu Data
Gellir rhannu gwybodaeth â thimau mewnol yn y Brifysgol y mae eu gwaith yn ymwneud â meithrin cyfleoedd gyrfa i raddedigion, er enghraifft trefnu digwyddiadau cyflogadwyedd neu reoli lleoliadau gwaith. Caiff ei rhannu â thimau mewnol eraill er mwyn gwella cydweithio. Cyfyngir mynediad i aelodau staff awdurdodedig a chaiff ei defnyddio dim ond at ddibenion sy'n gyson â chenhadaeth y Brifysgol.
Polisi Cadw Data
Bydd data personol yn cael ei gadw am hyd at 2 flynedd ar ôl cofrestru ar y Rhaglen Cymorth i Raddedigion, oni bai bod rhyngweithio parhaus â’r unigolyn. Ar yr adeg hon, bydd y data’n cael ei storio’n ddiogel a’i anonymeiddio.
Mesurau Diogelwch Data
Mae Prifysgol Abertawe'n defnyddio mesurau diogelwch cadarn i ddiogelu data personol:
- Rheoli Mynediad: Cyfyngu mynediad i staff awdurdodedig gan ddefnyddio dulliau dilysu cadarn.
- Storio Diogel: Storio diogel ar weinyddion diogel yn y brifysgol sydd wedi'u diogelu gan waliau tân a phrotocolau rheoli mynediad.
- Diogelwch oddi ar y Campws: Defnyddio Rhwydweithiau Preifat Rhithwir ar gyfer mynediad o bell a storio cyn lleied â phosib o ddata oddi ar y campws.
- Hyfforddiant Staff: Darparu hyfforddiant rheolaidd ar egwyddorion y GDPR ac arferion diogelwch gorau.
- Ymateb i Ddigwyddiadau: Rhoi gweithdrefnau ar waith ar gyfer rhoi gwybod yn brydlon am achosion o dorri diogelwch data, gan gynnwys hysbysu Swyddfa'r Comisiynydd Gwybodaeth o fewn 72 awr os oes angen.
Eich Hawliau
Mae'r cyfreithiau cymwys yn rhoi i chi hawl i gael mynediad at eich gwybodaeth bersonol, gwrthwynebu iddi gael ei phrosesu, ei chywiro, ei dileu, cyfyngu mynediad ati neu ei symud. I gael rhagor o fanylion am eich hawliau, ewch i dudalennau gwe Diogelu Data Prifysgol Abertawe.
Dylid anfon ceisiadau neu wrthwynebiadau'n ysgrifenedig at:
E-bost: dataprotection@abertawe.ac.uk
Diweddarwyd yr hysbysiad preifatrwydd hwn ddiwethaf ym mis Gorffennaf 2025.