Gwyddor chwaraeon ac Ymarfer Corff

Er mwyn pasio’r flwyddyn, mae'n rhaid i chi gyflawni'r canlynol:

• Isafswm o 80 o gredydau ar lefel pasio (40%) neu'n uwch.
• Heb fethu unrhyw fodiwlau a ddynodwyd yn rhai CRAIDD.
• Cyfartaledd cyffredinol o 35% neu'n uwch ar gyfer y lefel astudio.

• Ym mlynyddoedd 0, 1 a 2, gellir digolledu hyd at 40 o gredydau o fodiwlau a fethwyd gyda marciau rhwng 30 a 39% er mwyn caniatáu i chi symud ymlaen, ar yr amod bod y meini prawf eraill wedi'u bodloni.
• Sylwer y gellir dyfarnu 60 o gredydau i chi drwy ailsefyll modiwlau a fethwyd, lle mae modd ailsefyll modiwlau. Os ydych wedi methu mwy na 60 o gredydau, mae'n bosibl y cynigir cyfle i chi Ail-wneud y Lefel Astudio.

Sylwer bod holl fodiwlau Blwyddyn 0 a Blwyddyn 1 Ffiseg bellach yn fodiwlau CRAIDD ac felly nid yw'n bosibl digolledu modiwlau a fethwyd.

Er mwyn symud ymlaen i Flwyddyn 4 Gradd Gychwynnol Uwch, mae'n rhaid i chi gyflawni’r canlynol:

• 80 o gredydau ar lefel pasio (40%) neu'n uwch.
• Heb fethu unrhyw fodiwlau a ddynodwyd yn rhai CRAIDD.
• Isafswm cyfartaledd cyffredinol o 35%.

• Ar gyfer myfyrwyr Blwyddyn 3 sydd wedi'u cofrestru ar Radd Gychwynnol Uwch sy'n 4 blynedd o hyd, caiff hyd at 40 o gredydau o fodiwlau a fethwyd gyda marciau rhwng 30 a 39% eu digolledu er mwyn caniatáu dilyniant, ar yr amod bod yr holl feini prawf dilyniant eraill wedi’u bodloni.
• Mae gennych hawl hefyd i ailsefyll 60 o gredydau Blwyddyn 3, yn unol â'r rheolau dilyniant arferol ar gyfer myfyrwyr nad ydynt yn eu blwyddyn olaf.
• Os nad ydych yn cymhwyso i symud ymlaen i'r Flwyddyn Olaf (Blwyddyn 4), mae'n bosibl y cynigir cyfle i chi Ail-wneud y Lefel Astudio.

Sylwer, ar gyfer Ffiseg, fod y prosiect BSc gwerth 20 credyd a'r prosiect MPhys gwerth 60 credyd yn fodiwlau CRAIDD ac felly, nid yw digolledu'n bosibl.

Er mwyn ennill gradd, rhaid i chi gyflawni'r canlynol yn eich blwyddyn olaf:

• 80 o gredydau mewn modiwlau ar lefel pasio neu'n uwch. Ym Mlwyddyn 3, y marc pasio yw 40% ac ar gyfer myfyrwyr yn eu blwyddyn olaf ar radd Meistr integredig, y marc pasio yw 50%.
• Dim methiannau mewn modiwlau a ddynodwyd yn rhai CRAIDD.
• Isafswm cyfartaledd cyffredinol o 35%.

• Yn y Flwyddyn Olaf, gellir caniatáu digolledu i fyfyrwyr mewn hyd at 40 o gredydau o fodiwlau a fethwyd ar gyfer marc mor isel â 0%, ar yr amod bod yr holl feini prawf eraill wedi’u bodloni.
• Ni chaniateir i fyfyrwyr ailsefyll modiwlau'r Flwyddyn Olaf oni bai eu bod wedi eisoes wedi cael cymeradwyaeth drwy Gais i Ohirio Arholiad.  Ni fydd myfyrwyr Blwyddyn Olaf sy'n gohirio tan fis Awst yn graddio ym mis Gorffennaf. Yn hytrach na hynny, cânt eu gwahodd i Seremonïau Graddio'r Gaeaf os bydd hynny’n briodol.

Sylwer, ar gyfer Ffiseg, fod y prosiect BSc gwerth 20 credyd a'r prosiect MPhys gwerth 60 credyd yn fodiwlau CRAIDD ac felly, nid yw digolledu'n bosibl.

Rhennir y rhaglenni hyn yn ddwy ran:

• Ar gyfer Rhan Un, mae angen i chi lwyddo mewn 120 o gredydau o fodiwlau (gyda marc o 50% neu fwy). Caniateir un cyfle i chi wneud iawn am fodiwlau a fethwyd yn ystod cyfnod Arholiadau Atodol mis Awst.
• Sylwer, efallai na fydd modd gwneud iawn am fethu mewn rhai modiwlau, sy'n golygu nad oes mecanwaith ailsefyll ar gyfer y modiwl. Os nad oes modd gwneud iawn am fethu modiwl, caiff hyn ei nodi yn llawlyfr eich cwrs.
• Pan fyddwch wedi pasio Rhan Un, gallwch symud ymlaen i Ran Dau, sy'n cynnwys prosiect/traethawd hir gwerth 60 o gredydau.

Caiff myfyrwyr sydd wedi’u cofrestru ar raglenni MSc a Addysgir a ddechreuodd ym mis Medi eu hasesu'n unol â'r rheoliadau anhyblyg.

Bydd uchafswm marc o 50% ar gyfer pob ymgais atodol, oni bai bod Amgylchiadau Esgusodol wedi'u cymeradwyo.

Caniateir digolledu i fyfyrwyr sy'n methu hyd at 30 o gredydau dan yr amodau canlynol:

• Mae'r marc cyfartalog cyffredinol ar gyfer Rhan Un yn 50%.
• Mae’r marciau ar gyfer y modiwlau a fethwyd rhwng 40 a 49%.
• Mae'r myfyriwr wedi ennill o leiaf 90 o gredydau o fodiwlau a basiwyd.
• Mae’r myfyriwr yn cyflwyno cais am ddigolledu, os yw'n gymwys.

Sylwer - ni fydd hawl awtomatig i ddigolledu ac os yw myfyriwr yn gymwys, bydd angen iddo gyflwyno Cais am Ddigolledu o fewn 10 niwrnod gwaith i gyhoeddi ei ganlyniadau. Darllenwch y Cwestiynau Cyffredin am Ddigolledu am ragor o wybodaeth.

Sylwer, ar gyfer Ffiseg, fod y prosiect BSc gwerth 20 credyd a'r prosiect MPhys gwerth 60 credyd yn fodiwlau CRAIDD ac felly, nid yw digolledu'n bosibl.

Bydd angen i chi gwblhau a phasio (gyda marc o 50% neu fwy):

• 60 o gredydau a addysgir yn Semester y Gwanwyn (Ionawr - Mehefin)
• 60 o gredydau ychwanegol o fodiwlau a addysgir yn ystod Semester yr Hydref (Medi - Ionawr)

Caniateir un cyfle i chi wneud iawn am fodiwlau a fethwyd yn ystod Cyfnod Arholiadau Atodol mis Awst (ar gyfer modiwlau Ionawr-Mehefin) a Chyfnod Arholiadau Atodol mis Mawrth (ar gyfer modiwlau Medi-Ionawr).

Sylwer, efallai na fydd modd gwneud iawn am fethu mewn rhai modiwlau, sy'n golygu nad oes mecanwaith ailsefyll ar gyfer y modiwl. Os nad oes modd gwneud iawn am fethu modiwl, caiff hyn ei nodi yn llawlyfr eich cwrs.

Caiff myfyrwyr sydd wedi’u cofrestru ar raglenni MSc a Addysgir a ddechreuodd ym mis Ionawr eu hasesu'n unol â'r rheoliadau hyblyg. Golyga hyn y gallwch weithio ar eich prosiect/traethawd hir ochr yn ochr â'ch modiwlau a addysgir.

Bydd uchafswm marc o 50% ar gyfer pob ymgais atodol, oni bai bod Amgylchiadau Esgusodol wedi'u cymeradwyo.

Caniateir digolledu i fyfyrwyr sy'n methu hyd at 30 o gredydau dan yr amodau canlynol:

• Mae'r marc cyfartalog cyffredinol ar gyfer Rhan Un yn 50%. Golyga hyn na all myfyrwyr a ddechreuodd ym mis Ionawr gyflwyno cais am ddigolledu methiannau ym mis Gorffennaf, ond bydd ganddynt gyfle i ystyried gwneud hynny ar ôl i'r holl fodiwlau a addysgir gael eu cwblhau.
• Mae’r marciau ar gyfer y modiwlau a fethwyd rhwng 40 a 49%.
• Mae'r myfyriwr wedi ennill o leiaf 90 o gredydau drwy fodiwlau a basiwyd.
• Mae'r myfyriwr yn cyflwyno cais am ddigolledu, os yw'n gymwys.

Sylwer - nid oes gan fyfyrwyr hawl awtomatig i ddigolledu ac os yw myfyriwr yn gymwys, mae'n rhaid iddo gyflwyno cais am Ddigolledu o fewn 10 niwrnod gwaith i’w ganlyniadau gael eu cyhoeddi. Darllenwch y Cwestiynau Cyffredin am Ddigolledu am ragor o wybodaeth. 

Sylwer, ar gyfer Ffiseg, fod y prosiect BSc gwerth 20 credyd a'r prosiect MPhys gwerth 60 credyd yn fodiwlau CRAIDD ac felly, nid yw digolledu'n bosibl.

• Cyfartaledd yr 80 credyd gorau ym Mlwyddyn 3 = 68.12
• Cyfartaledd y 40 credyd gwaethaf ym Mlwyddyn 3 a'r 40 credyd gorau ym Mlwyddyn 2 = 63.45
• Cyfartaledd yr 80 credyd gwaethaf ym Mlwyddyn 2 = 61.76
• Cyfartaledd wedi'i Bwysoli eich Gradd = 68.12 * (3/6) + 63.45 * (2/6) + 61.76 * (1/6) = 34.06 + 21.15 + 10.29 = 65.50%

• Cyfartaledd blwyddyn 2 = 62.14%
• Cyfartaledd blwyddyn 3 = 59.16%
• Cyfartaledd gradd wedi'i bwysoli = (62.14 x 1/3) + (59.16 x 2/3) = (20.67 = 39.33) = 60.15%

• Cyfartaledd blwyddyn 2 = 62.36%
• Cyfartaledd blwyddyn 3 = 59.43%
• Cyfartaledd blwyddyn 4 = 63.10%
• Cyfartaledd eich gradd wedi'i bwysoli = (62.36 x 1/5) + (59.43 x 2/5) + (63.10 x 2/5) = 12.47 + 23.77 + 25.24 = 61.48%

Ar gyfer yr egwyddor hon, rhaid i hanner y credydau sy'n cyfrif tuag at eich gradd fod mewn dosbarthiad uwch na'ch cyfartaledd gradd wedi'i bwysoli.

Ar gyfer Gradd Gychwynnol 3 blynedd, byddai hyn yn golygu ennill 120 neu fwy o gredydau ar ffin y dosbarthiad uwch.

• Blwyddyn 2 = 40 credyd rhwng 50% a 59% (2:2) ac 80 credyd rhwng 60% a 69% (2:1).
• Blwyddyn 3 = 80 credyd rhwng 50% a 59% (2:2), 30 credyd rhwng 60% a 69% (2:1) a 10 credyd ar 70+% (1af).
• Cyfartaledd Gradd wedi'i Bwysoli = 58.37% (2:2).
• Caiff y Canlyniad Terfynol ei uwchraddio i 2:1 am y rhesymau canlynol:
  1) Mae'r cyfartaledd gradd wedi'i bwysoli o fewn y Ffenestr Cyfle,
  2) Bodlonir yr egwyddor Mwyafrif, h.y. Roedd 80 credyd ym Mlwyddyn 2 a 40 credyd ym Mlwyddyn 3 yn uwch na dosbarthiad 2:2. Mae hynny'n rhoi 120 o gredydau mewn dosbarthiad gradd uwch na'r cyfartaledd gradd wedi'i bwysoli.

• Cyfartaledd Gradd wedi'i Bwysoli = 58.37% (2:2).
• Cyfartaledd y Flwyddyn Olaf - 61.23% (2:1).
• Canlyniad Terfynol - wedi'i uwchraddio i 2:1 am y rhesymau canlynol:
  1) Mae'r cyfartaledd gradd wedi'i bwysoli o fewn y Ffenestr Cyfle.
  2) Bodlonir yr Egwyddor Cyfradd Welliant wrth Ymadael (h.y. mae cyfartaledd y flwyddyn olaf mewn dosbarthiad gradd sy’n uwch na'r cyfartaledd gradd wedi'i bwysoli).