Cwestiynau Cyffredin am Ganlyniadau

Cyhoeddir dyddiadau'r holl asesiadau ar y dudalen Dyddiadau Semester a Thymor.

Ar gyfer y flwyddyn academaidd 2025/26:

• Cynhelir cyfnod arholiadau mis Ionawr o 5 Ionawr tan 23 Ionawr 2026.
• Bydd cyfnod arholiadau atodol (ar gyfer myfyrwyr Ôl-raddedig a Addysgir mis Ionawr) mis Mawrth o 18 Mawrth tan 27 Mawrth 2026. 
• Cynhelir cyfnod arholiadau mis Mai-Mehefin 11 Mai tan 5 Mehefin 2026.
• Cynhelir cyfnod arholiadau atodol mis Awst o 3 Awst tan 14 Awst 2026.

*Sylwer y gall dyddiadau amrywio ar gyfer myfyrwyr sy'n dilyn y rhaglenni canlynol: Arwain a Rheoli Peirianneg a Rheoli Peirianneg Gynaliadwy ar gyfer Datblygu Rhyngwladol

Caiff y canlyniadau eu rhyddhau ar y dyddiadau isod:

• Bydd canlyniadau Rhan 2 (traethawd estynedig) myfyrwyr ôl-raddedig a addysgir a ddechreuodd ym mis Medi 2024 ar gael ar 19 Tachwedd 2025
• Bydd canlyniadau modiwlau a addysgir Semester 1 2025/26 yn dadrewi o 9 Chwefror 2026.
• Bydd canlyniadau ar gyfer myfyrwyr Ôl-raddedig a Addysgir mis Ionawr 2025 a safodd arholiadau atodol ym mis Mawrth 2026 yn cael eu rhyddhau ar 5 Mai 2026.
• Caiff canlyniadau myfyrwyr israddedig yn eu blwyddyn olaf a myfyrwyr ôl-raddedig a addysgir eu cyhoeddi ar 2 Gorffennaf 2026.
• Caiff canlyniadau myfyrwyr sy'n symud ymlaen (heb fod yn eu blwyddyn olaf) eu cyhoeddi ar 13 Gorffennaf 2026.
• Cyhoeddir canlyniadau Cyfnod Arholiadau Atodol mis Awst ar 10 Medi 2026.

Sylwer bod y dyddiadau hyn yn ddangosol ac yn ddarostyngedig i newid.

Dyddiadau cofrestru:

• Gellir cyrchu'r amserlen gofrestru yma.

Gallwch weld eich canlyniadau drwy fewngofnodi i'ch cyfrif MyUni a mynd i fewnrwyd y Brifysgol. Yna cliciwch ar yr adran ‘Manylion y Cwrs’ ar ochr chwith y ddewislen a dewiswch ‘Modiwlau 2025’ ar gyfer blwyddyn academaidd 2025-26.

Yn achos rhaglenni a addysgir a ddechreuodd ym mis Medi 2025

Byddwch yn gweld y marciau ar gyfer pob modiwl gyda'r canlyniadau sydd ar gael drwy gydol y flwyddyn academaidd. Gallwch ehangu pob modiwl er mwyn gweld marciau'r cydrannau asesu.

Sylwer mai rhai dros dro yw'r marciau tan iddynt gael eu cadarnhau gan fyrddau Asesu Diwedd y Flwyddyn ym mis Gorffennaf 2026.

Rhaglenni ôl-raddedig a addysgir a ddechreuodd ym mis Ionawr 2025

Yn achos myfyrwyr a ddechreuodd ym mis Ionawr 2025, y canlyniadau a rhyddheir ym mis Chwefror 2026 fydd eich canlyniadau terfynol wedi'u cadarnhau ar gyfer eich rhaglen. Pan gaiff y canlyniadau eu rhyddhau, byddwch chi'n gweld:

• Eich penderfyniad diwedd lefel h.y. canlyniad terfynol eich blwyddyn academaidd.
• A dolen i ganllawiau am y canlyniad sydd wedi'i ddyfarnu i chi. Gwnewch yn siŵr eich bod yn cyrchu'r arweiniad ynglŷn â'r canlyniadau a'i ddarllen yn ofalus.

Gallwch lawrlwytho trawsgrifiad swyddogol wedi'i lofnodi a'i stampio o'ch holl ganlyniadau hyd yn hyn o'ch cyfrif ar fewnrwyd y Brifysgol drwy ddewis y tab 'Manylion y Cwrs' ar y ddewislen ar y chwith a chlicio ar y ddolen 'Trawsgrifiad' ar ochr dde'r dudalen.  

Mae eich tystysgrif dyfarniad a'ch trawsgrifiad hefyd ar gael drwy system Gradintel. Os nad ydych eisoes wedi gwneud hynny, gallwch actifadu eich cyfrif Gradintel drwy fewngofnodi i'ch dangosfwrdd MyUni a mynd i ardal Gradintel. Er mwyn actifadu eich cyfrif Gradintel, chwiliwch am e-bost actifadu a anfonwyd i'ch cyfrif e-bost myfyriwr. Ar ôl i'ch cyfrif gael ei actifadu, bydd gennych fynediad parhaol at eich tystysgrif a'r trawsgrifiad a byddwch yn gallu eu rhannu'n ddiogel â thrydydd partïon.  

Pan fyddwch yn gweld eich canlyniadau, mae'r Penderfyniad Lefel yn nodi eich canlyniad cyffredinol ar gyfer y flwyddyn. Nesaf at eich penderfyniad, gallwch hefyd weld llythyr penderfyniad sy'n cynnwys esboniad o'ch canlyniad. Cliciwch ar y testun glas sy'n dweud 'Gellir gweld esboniad o'ch penderfyniad drwy glicio fan hyn'. 

Mae crynodeb byr o'r rheolau asesu ar gyfer pob lefel astudio ar gael ar ein tudalennau crynodebau asesu ar gyfer y Gyfadran Gwyddoniaeth a Pheirianneg.

Caiff marciau modiwlau eu cyfrifo drwy roi’r pwysoliad penodol a ddynodir i farc pob cydran. Ar gyfer myfyrwyr Peirianneg, dylai manylion y pwysoliadau hyn fod ar gael yn Llawlyfrau Rhan 2 Peirianneg eich blwyddyn a'ch rhaglen. Yn achos rhaglenni Gwyddoniaeth, gwiriwch dudalennau modiwlau ar Canvas am wybodaeth, a chysylltwch â Chydlynwyr eich Modiwlau'n uniongyrchol os oes ymholiadau penodol.

Enghraifft:

Marc Modiwl = (56 x 0.7) + (62 x 0.1) + (69 x 0.2) = 39.2 + 6.2 + 13.8 = 59.2

Mae eich cyfartaledd ar gyfer y flwyddyn yn cynnwys marciau'r holl fodiwlau sy'n dwyn credydau. Rhoddir y pwysoliad perthnasol i bob modiwl yn ôl ei werth o ran credydau h.y. bydd modiwl 20 credyd yn cyfrannu cymaint ddwywaith at eich cyfartaledd am y flwyddyn â modiwl 10 credyd.

Gweler tudalennau ein rheoliadau asesu Gwyddoniaeth a Pheirianneg i gael manylion ynghylch sut caiff eich gradd ei chyfrifo. 

Os mai 'QF' yw canlyniad eich modiwl, mae hyn yn golygu eich bod wedi methu cymhwyso i basio'r modiwl hyd yn oed os yw eich marc cyffredinol ar gyfer y modiwl yn uwch na'r trothwy i basio. Mae hyn oherwydd bod cydran yn y modiwl y mae'n ofynnol i chi ei phasio neu gael marc penodol ynddi cyn y gallwch symud ymlaen neu dderbyn eich gradd. Y rheswm dros fynnu marc pasio neu farc penodol mewn rhai cydrannau yw sicrhau y caiff deilliannau dysgu penodol eu bodloni ar gyfer y modiwl. Os oes gennych fodiwl gyda 'QF', nid oes modd ei ddigolledu.

Ar gyfer rhaglenni Peirianneg, nodir rheolau modiwlau penodol yn Llawlyfr Rhan 2 eich adran neu yn Canvas.

Yn achos rhaglenni Gwyddoniaeth, ceisiwch gyngor gan gydlynwyr eich modiwlau'n uniongyrchol os oes gennych ymholiadau sy'n ymwneud â modiwlau penodol.

Gweler ein tudalen we Opsiynau Ail-wneud Lefel Astudio.

Nid yn achos pob rhaglen

Yn achos nifer bach o fodiwlau sy'n seiliedig ar waith ymarferol/labordy, gwaith grŵp neu waith dylunio, ni fydd yn bosib cynnal asesiadau atodol a bodloni deilliannau dysgu o hyd, ac yn achos y modiwlau hyn, mae naill ai meini prawf i fod yn gymwys i gael cyfle i wneud iawn am fethiant, neu ni fydd yn bosib cynnig cyfle o'r fath. Gweler y disgrifiadau o'r modiwlau yn y Llawlyfrau Peirianneg Rhan 2 ar gyfer rhaglenni Peirianneg, a gweler tudalen pob modiwl ar Canvas yn achosrhaglenni Gwyddoniaeth er mwyn gweld pa fodiwlau sydd â meini prawf ychwanegol er mwyn gwneud iawn am fethu, a pha fodiwlau nad oes modd gwneud iawn amdanynt. Os ydych chi'n ansicr, gofynnwch i gydlynydd eich modiwl.

Dylid ystyried hyn pan fyddwch yn darllen y meini prawf ar gyfer ailsefyll asesiadau, fel a amlinellir isod.

Myfyrwyr Peirianneg Israddedig yn eu Blwyddyn Olaf (ac eithrio rhaglenni BSc)

• Mae'r holl fodiwlau Peirianneg yn ‘Graidd’ ac mae rhaid eu pasio er mwyn ennill gradd BEng/MEng achrededig yn unol â'r Rheoliadau Asesu Peirianneg. 
• Efallai bydd myfyrwyr Baglor/Meistr Peirianneg yn eu blwyddyn olaf nad ydynt wedi bodloni'r isafswm gofynion i raddio â gradd achrededig, yn cael cyfle i ailsefyll modiwlau a fethwyd hyd at uchafswm o 40 credyd, lle bydd asesiadau atodol yn bosibl.Cyfnod Atodol mis Awst fydd yr adeg ar gyfer ailsefyll pob asesiad.
• Rhaid i bob myfyriwr gael cyfartaledd lefel cyffredinol gwerth o leiaf 35%, yn unol â'r rheoliadau asesu safonol perthnasol.
• Caiff marciau'r holl asesiadau atodol eu capio oni bai fod Amgylchiadau Esgusodol priodol yn berthnasol.
• Ar gyfer myfyrwyr sydd wedi cofrestru ar gwrs BSc, rhaglen Gwyddoniaeth yw hon, gweler yr arweiniad ar gyfer myfyrwyr Gwyddoniaeth isod.

Myfyrwyr Gwyddoniaeth Israddedig yn eu Blwyddyn Olaf

• Gall yr holl raglenni Gwyddoniaeth oddef uchafswm o 40 o gredydau o fodiwlau a fethir hyd at farc sy'n werth 0.
• Ni chaniateir i fyfyrwyr ailsefyll asesiadau yn ystod y flwyddyn astudio olaf, oni bai y cytunir i hyn o flaen llaw yn sgîl cais am Ohirio Asesiad oherwydd amgylchiadau esgusodol.

Myfyrwyr Israddedig nad ydynt yn eu Blwyddyn Olaf (yr holl raglenni a addysgir)

• Yn ôl disgresiwn Bwrdd Asesu'r Flwyddyn Olaf, gall myfyrwyr ailsefyll asesiadau sy'n werth hyd at 60 o gredydau mewn modiwlau a fethwyd, pan fydd asesiad ar gael.
• Bydd methu mwy na 60 credyd yn golygu na chaniateir cyfle arall i ailsefyll a gellir cynnig cyfle i fyfyriwr Ail-wneud Lefel ar yr amod ei fod wedi pasio o leiaf 20 credyd ac nad yw eisoes wedi ail-wneud y lefel astudio. 
• Bydd rhaid i unrhyw fyfyriwr nad yw'n cyflawni o leiaf 20 o gredydau o fodiwlau a basiwyd dynnu'n ôl o'r Brifysgol.
• Ar gyfer myfyrwyr Blwyddyn 3 ar raglenni MEng sy'n para 4 blynedd, mae'r canlynol yn berthnasol i ailsefyll:
• Mae gan fyfyrwyr hawl i ailsefyll 20 o gredydau o asesiadau a rhaid iddynt ennill marc cyffredinol o 55% ar gyfartaledd unwaith eu bod wedi ailsefyll yr asesiadau hynny. Felly mae'n rhaid i fyfyrwyr ar MEng blwyddyn 3 basio 100 credyd er mwyn cael ailsefyll asesiadau.  Os na fyddant yn pasio 100 credyd, byddant yn cael eu trosglwyddo i'r rhaglen BEng a byddant yn dilyn y rheolau i fyfyrwyr blwyddyn olaf ar gyfer ailsefyll a dyfarnu graddau.

Myfyrwyr Ôl-raddedig

• Myfyrwyr Ôl-raddedig a ddechreuodd ym mis Ionawr 2025: Bydd myfyrwyr yn gymwys i ailsefyll unrhyw fodiwlau a fethwyd o'r semester diwethaf (modiwlau o fis Medi 2025 i fis Ionawr 2026) yng nghyfnod atodol mis Mawrth, yn ogystal ag arholiadau a ohiriwyd.
• Myfyrwyr Ôl-raddedig a ddechreuodd ym mis Medi 2025: Yn achos modiwlau lle gellir gwneud yn iawn am fethiant, mae myfyrwyr ôl-raddedig yn gymwys i ailsefyll unrhyw fodiwl maent wedi ei fethu yn ystod cyfnod atodol mis Awst.

Na, nid yw Prifysgol Abertawe'n caniatáu i fyfyrwyr ddewis ailsefyll arholiadau.

Os byddwch yn ail-wneud modiwl a fethwyd ac yn cael marc is, bydd y Brifysgol yn defnyddio ‘Egwyddor y Marc Gorau’ a chaiff marc eich asesiad gwreiddiol ei gynnwys ar eich trawsgrifiad ac wrth gyfrifo eich lefel/dyfarniad.

Rhaglenni Israddedig a Rhaglenni Ôl-raddedig a ddechreuodd ym mis Medi: Ar gyfer myfyrwyr ar raglenni israddedig a rhaglenni ôl-raddedig a ddechreuodd ym mis Medi, mae'r holl ganlyniadau o Semester 1 yn ganlyniadau dros dro, a ni chânt eu cadarnhau tan i ganlyniadau terfynol y flwyddyn gael eu rhyddhau ym mis Gorffennaf. Ar ôl inni ryddhau canlyniadau terfynol sydd wedi'u cadarnhau, os ydych chi'n meddwl efallai nad ydynt yn gywir, bydd gennych ddewis i ofyn am ymholiad Cywirdeb y Marciau a Gyhoeddwyd ym mis Gorffennaf.Nid yw’r broses hon ar gael tan ar ôl inni ryddhau canlyniadau ym mis Mehefin/Gorffennaf ac NID ym mis Chwefror oherwydd nad yw marciau'n derfynol yr adeg honno.

Rhaglenni Ôl-raddedig mis Ionawr 2025: Yn achosgyfer myfyrwyr ôl-raddedig a ddechreuodd raglen Meistr ym mis Ionawr 2025, bydd y canlyniadau a ryddheir ar Mawrth 2026 yn ganlyniadau terfynol wedi'u cadarnhau ar gyfer eich rhaglen. Os ydych chi'n meddwl y gallai marc fod yn anghywir, gallwch ofyn am wiriad Cywirdeb Marciau a Gyhoeddwyd nawr, ymhen 10 niwrnod gwaith ar ôl dyddiad rhyddhau'r canlyniadau. Cyn cyflwyno cais, darllenwch yr wybodaeth isod.

Mae'r weithdrefn Cywirdeb Marciau a Gyhoeddwyd ar gael i'r holl fyfyrwyr sy'n teimlo y gallai un neu fwy o farciau eu modiwlau fod yn anghywir.

• Bydd y broses yn sicrhau bod y marciau sydd wedi'u cofnodi ar gyfer cydrannau asesu a'r modiwl ar y cyfan yn rhydd o wallau gweinyddol a/neu rifyddol e.e. bod y marciau wedi cael eu trosglwyddo i'r System Arholiadau yn gywir, bod y marciau wedi'u cyfrif yn gywir ar sgript arholiad etc.
• Nid yw’r weithdrefn yn ymwneud ag ailfarcio asesiadau, ac ni fydd ychwaith yn rhoi mwy o wybodaeth ynglŷn â’r rhesymau dros ddyfarnu marciau penodol.
• Sylwer y gall marciau modiwlau mynd i lawr yn ogystal â mynd i fyny ar ôl Cais am Wiriad Cywirdeb Marciau a Gyhoeddwyd.
• Rhaid i fyfyrwyr gyflwyno ffurflen gais i Gywiro Cywirdeb Marciau a Gyhoeddwyd i'r Tîm Profiad a Gwybodaeth Myfyrwyr drwy e-bostio StudentSupport-ScienceEngineering@abertawe.ac.uk, ymhen 10 niwrnod gwaith ar ôl dyddiad rhyddhau eich canlyniadau.
• Mae targed gan y gyfadran i ymateb ymhen 5 niwrnod gwaith er mwyn rhoi canlyniad. Fodd bynnag, sylwer ein bod yn ymdrin â nifer uchel o geisiadau ac efallai na fydd modd i ni fodloni'r targed hwn ym mhob achos.

Os oes gennych unrhyw gwestiynau am y broses, cysylltwch â The Hwb neu gweler cyfarwyddyd APM y Brifysgol.

Os hoffech apelio yn erbyn penderfyniad a gymerwyd gan Fwrdd Arholi'r Brifysgol, gallwch gyflwyno Ffurflen Apêl Academaidd i Y Tîm Achosion Myfyrwyr ar ôl i'ch canlyniad diwedd y flwyddyn gael ei gyhoeddi. Darllenwch dudalen cyngor ar Apeliadau Academaidd y Brifysgol a chysylltwch â Chanolfan Gyngor Undeb y Myfyrwyr am gymorth gyda'ch cais.

Sylwer nad oes modd i ni fel Cyfadran gynghori myfyrwyr yn uniongyrchol ar y broses hon.