Amgylchiadau Esgusodol ar gyfer Arholiadau

Rydym yn gobeithio na fyddwch chi'n wynebu unrhyw anawsterau a fydd yn effeithio ar eich arholiadau yng nghyfnod arholiadau mis Ionawr 2026 (5 - 23 Ionawr 2026) ond os felly, mae opsiynau cymorth ar gael i chi.

Os oes gennyt amgylchiadau cymwys, mae modd i ti gyflwyno cais i ohirio unrhyw arholiad(au) nad oes modd i ti ei sefyll/eu sefyll i gyfnod asesu yn y dyfodol.

Efallai y byddi di hefyd yn gallu cyflwyno cais am Ddarpariaethau Dros Dro os wyt ti'n dioddef o gyflwr tymor byr sydyn sy'n effeithio arnat yn ystod cyfnod yr arholiadau.

Darllena'r wybodaeth am yr opsiynau hyn yn ofalus a chysyllta Hwb gydag unrhyw gwestiynau. Efallai y bydd Polisi Amgylchiadau Esgusodol y Brifysgol hefyd yn ddefnyddiol.

CWESTIYNAU CYFFREDIN AM YR ASESIADAU

Sut i Gyflwyno Cais i Ohirio Arholiad

Gall myfyrwyr ag amgylchiadau cymwys gyflwyno cais i ohirio unrhyw un o'u harholiadau Semester 1 Ionawr 2026. Os caiff hwn ei gymeradwyo, mae'n rhoi opsiwn i fyfyrwyr i ohirio un neu fwy o'u harholiadau terfynol a sefyll yr asesiad sydd wedi'i ohirio yn ystod cyfnod asesu yn y dyfodol.

Cliciwch yma i wneud cais

I gyflwyno cais i ohirio arholiad, cyflwyna gais drwy'r system Amgylchiadau Esgusodol ar eVision. Gelli di ddod o hyd i arweiniad ynghylch sut i gyflwyno cais gohirio arholiad yma.

Rhaid cyflwyno ceisiadau o fewn y 10 niwrnod gwaith cyn dyddiad cau'r aseiniad yr effeithir arno, neu o fewn 5 niwrnod gwaith ar ôl y dyddiad cau ar gyfer yr aseiniad yr effeithir arno. Gelli di gyflwyno mwy nag un cais i ohirio, ac mae'r terfyn amser cyflwyno'n berthnasol i bob arholiad rwyt ti am ei ohirio. Ni chaiff ceisiadau hwyr eu derbyn fel arfer.

Bydd angen dogfennaeth ategol briodol er mwyn cymeradwyo cais i ohirio. Wrth gyflwyno dy gais i ohirio, dylet ti lanlwytho unrhyw dystiolaeth ategol sydd gen ti sy'n cadarnhau dy amgylchiadau. Os nad oes modd i chi gyflwyno tystiolaeth fel rhan o'ch cais gwreiddiol i ohirio byddwch yn cael dyddiad cau i gyflwyno'r wybodaeth.

Sylwer:

Bydd myfyrwyr nad ydynt yn eu blwyddyn olaf y mae eu cais i ohirio arholiadau wedi cael ei gymeradwyo yn sefyll unrhyw arholiadau sydd wedi eu gohirio yng Nghyfnod Arholiadau Atodol mis Awst 2026.
Bydd myfyrwyr yn eu blwyddyn olaf y mae eu cais i ohirio arholiadau wedi cael ei gymeradwyo yn gallu dewis sefyll unrhyw arholiadau a ohiriwyd yng Nghyfnod Arholiadau mis Mai/Mehefin neu fis Awst 2026.

Tystiolaeth Ategol

Rhaid i dystiolaeth ategol:

Nodi sut mae'r amgylchiadau wedi effeithio ar berfformiad myfyriwr a/neu wedi effeithio ar allu myfyriwr i fynd i asesiad, ei gwblhau neu ei gyflwyno ar amser.
Cael ei dyddio o fewn mis i ddyddiad yr asesiad dan sylw.
Cael ei darparu gan drydydd parti a’i chyflwyno gan y myfyriwr.
Esbonio'r amgylchiadau'n glir.
Cadarnhau'r cyfnod amser yr oedd yr amgylchiadau'n effeithio arno.
Cael ei chyflwyno cyn gynted â phosibl.
Yn achos dogfennaeth a ysgrifennwyd mewn iaith arall, rhaid darparu cyfieithiad swyddogol.
Cael ei chyflwyno fel dogfen Word, JPEG neu PDF (nid yw systemau'r Brifysgol yn gallu darllen dogfennau ategol mewn fformat HEIC).

Mae enghreifftiau o dystiolaeth briodol yn cynnwys y canlynol:

Amgylchiadau Posib	Enghreifftiau o dystiolaeth briodol
Problemau technegol (h.y. tarfu ar Wi-Fi/gysylltiad, problemau mynediad, etc)	Sgrinluniau o negeseuon gwall, gan gynnwys dyddiad/amser. Hysbysiad o darfu ar wasanaeth wedi'i ddyddio. Diweddariad gan dudalen darparwr rhwydwaith. Cyfathrebiad sy'n nodi'r tarfiad, gan gynnwys negeseuon e-bost neu gyfryngau cymdeithasol. Gohebiaeth â darparwr gwasanaeth neu dîm technegol i nodi'r broblem, y dyddiad/amser a'r ymgais i ddatrys y broblem.
Amgylchiadau sy'n gysylltiedig ag iechyd neu les/iechyd meddwl	Nodyn gan eich meddyg, eich meddyg teulu neu ganolfan iechyd sy'n nodi'r amgylchiadau a'r dyddiadau dan sylw. Llythyr yn cadarnhau cyfnod yn yr ysbyty neu ddyddiad rhyddhau. Nodyn gan dimau lles neu lesiant canolog y Brifysgol os ydych yn cael cymorth gan y gwasanaethau hyn. Yn achos myfyrwyr â chyflyrau iechyd/anableddau newidiol sydd wedi cael eu cymeradwyo gan y Gwasanaethau Lles ac Anabledd, dylid ystyried bod y ffurflen addasiad yn dystiolaeth os yw'r amgylchiadau a nodir ar y cais am amgylchiadau esgusodol yn ymwneud â'r cyflwr iechyd a nodwyd.
Yn achos profedigaeth	Rydym yn sylweddoli bod hwn yn gyfnod anodd i bawb a gall fod yn anodd cael tystiolaeth. Mae'r mathau o dystiolaeth y gallwn eu hystyried yn cynnwys, ymysg eraill: Copi o'r dystysgrif marwolaeth (os bydd ar gael) Copi o drefn gwasanaeth angladd neu hysbysiad am yr angladd Copi o lythyr Trefnydd Angladdau Os yw'r brofedigaeth yn golygu eich bod yn cael problemau o ran eich lles/iechyd meddwl, gallwch ddarparu tystiolaeth o hyn (gweler yr arweiniad uchod ar dystiolaeth briodol) Mae'r uchod yn enghreifftiau'n unig. Os ydych yn ei chael hi'n anodd cael gafael ar dystiolaeth, mae croeso i chi gysylltu Hwb am arweiniad a chymorth.
Os ydych yn ddioddefwr trosedd	Adroddiad gan yr heddlu – ni fydd rhif cyfeirnod y drosedd ar ei ben ei hun yn ddigonol.
Cyfrifoldebau gofalu	Yn achos cyfrifoldebau gofalu ac anawsterau domestig tymor byr sy'n effeithio ar allu myfyriwr i baratoi ar gyfer asesiadau neu gynnal asesiadau, datganiad gan aelod o'r teulu/ffrind. Yn achos cyfrifoldebau gofal tymor hir, Pasbort Gofalwr.
Yn achos amgylchiadau eraill sy'n gymwys	Ceisiwch ddisgrifio'r amgylchiadau mewn modd mor fanwl â phosib a darparu cymaint o dystiolaeth ag y gallwch, a byddwn yn cysylltu â chi os bydd angen rhagor o dystiolaeth.

Bydd absenoldeb dogfennau ategol yn arwain at wrthod y cais oni bai bod y myfyriwr yn gallu rhoi esboniad digonol yn ei gais am ei reswm dros fethu darparu tystiolaeth fel hynny. Mae'r Brifysgol yn cydnabod y bydd hi'n anodd i rai myfyrwyr gasglu tystiolaeth yn y sefyllfa bresennol, a bydd yn ystyried ceisiadau â chydymdeimlad os darperir esboniad priodol.

Efallai y bydd Polisi Amgylchiadau Esgusodol y Brifysgol hefyd yn ddefnyddiol.

Sut i Gyflwyno Cais am Ddarpariaethau Dros Dro

Darpariaethau Dros Dro

Ceir Darpariaethau Dros Dro sy'n berthnasol i fyfyrwyr â chyflyrau byrdymor sydyn sy'n digwydd yn ystod cyfnod yr arholiadau ac sy’n amharu ar eich arholiadau. Mae hyn yn cynnwys cyflyrau meddygol sy'n dechrau'n sydyn (torri asgwrn, beichiogrwydd, nam ar y golwg, etc).

Sylwer, os cytunwyd ar ddarpariaethau dros dro ar gyfer naill ai arholiadau ar-lein neu ar y campws, byddant yn berthnasol ar gyfer y cyfnod arholiadau dan sylw YN UNIG, ac ar gyfer asesiadau sy'n para am 24 awr neu lai YN UNIG.Os oes gennych gyflyrau hirdymor parhaus a allai effeithio arnoch mewn arholiadau yn y dyfodol, rydym yn argymell eich bod yn cysylltu â'r Gwasanaeth Anabledd neu'r Gwasanaethau Lles er mwyn trafod darpariaethau hirdymor i'ch cefnogi yn y dyfodol.

I wneud cais am Ddarpariaethau Dor Dro, cysylltwch Hwb i gael arweiniad.

Ystyriaethau ac amseru pwysig:

Sylwer efallai na fydd amser ychwanegol yn bosib ar fyr rybudd, a bydd angen o leiaf 2 ddiwrnod gwaith o rybudd arnom i roi darpariaethau yn eu lle unwaith bydd y cais wedi'i brosesu a'i gymeradwyo. Byddwn yn e-bostio eich cyfrif e-bost myfyriwr i gadarnhau pa asesiadau fydd yn cynnwys darpariaethau.
Os na fydd y darpariaethau y mae eu hangen arnoch ar gael, neu os ydych chi'n meddwl na fydd y darpariaethau hyn yn ddigonol, bydd angen i chi ystyried gohirio.