Cwestiynau Cyffredin

Mae Priodoleddau Graddedigion yn sgiliau a fydd yn eich helpu chi yn eich gyrfa a gyda'ch datblygiad personol. Mae'r rhain yn cynnwys:

• Gwybodaeth fanwl am eich pwnc.
• Sgiliau trosglwyddadwy megis datrys problemau, cyfathrebu a meddwl yn feirniadol.
• Sgiliau proffesiynol y mae cyflogwyr yn eu gwerthfawrogi.

Y nod yw sicrhau eich bod chi'n gorffen eich cwrs â sylfaen gref ar gyfer pa lwybr bynnag a ddewiswch ar ôl y Brifysgol.

Bydd y rhan fwyaf o newidiadau'n effeithio ar fyfyrwyr newydd sy'n dechrau'r rhaglen. Fodd bynnag, efallai bydd rhai addasiadau'n berthnasol i fyfyrwyr presennol. Os yw hynny'n digwydd, byddwch yn cael gwybod ymlaen llaw a darperir arweiniad ynghylch sut mae'n effeithio arnoch chi.

Nac ydy, ein nod yw cael cydbwysedd rhwng darparu strwythur a rhoi hyblygrwydd i chi. Y nod yw rhoi ffocws gwell i gyrsiau a'u gwneud yn fwy effeithlon heb dynnu opsiynau gwerthfawr. Bydd gennych chi'r cyfle o hyd i ddewis modiwlau dewisol ac archwilio eich diddordebau.

Mae gan fyfyrwyr rôl allweddol wrth gyd-greu'r cwricwlwm ochr yn ochr â staff a rhanddeiliaid allanol. Mae'r ymagwedd gydweithredol hon yn gwerthfawrogi mewnwelediadau gan fyfyrwyr er mwyn sicrhau bod rhaglenni'n gynhwysol, yn canolbwyntio ar y dyfodol ac yn cyd-fynd â disgwyliadau yn y byd go iawn. Mae myfyrwyr yn cyd-greu drwy gymryd rhan mewn gweithdai a sesiynau ymgysylltu â myfyrwyr, arolygon, grwpiau ffocws a llwyfannau megis MyUniVoice. Mae myfyrwyr hefyd yn cael eu cynrychioli ar Fyrddau Astudiaethau ac mae ganddynt rôl i'w chwarae wrth adolygu arferion addysgu, asesu ac adborth. Mae'r cyfleoedd hyn yn helpu i ddylanwadu ar newid ystyrlon, meithrin ymdeimlad o berthyn a sicrhau bod y cwricwlwm yn adlewyrchu anghenion a blaenoriaethau amrywiol cymuned ein myfyrwyr.

Os hoffech chi gymryd rhan, cysylltwch â’ch tiwtor personol neu gyfarwyddwr y rhaglen i gael gwybodaeth am y cyfleoedd sydd ar gael.

Rydym yn adolygu strwythur asesiadau i sicrhau eu bod yn gytbwys ac yn ystyrlon. Dros amser, mae nifer yr asesiadau wedi cynyddu, sydd wedi rhoi pwysau diangen ar fyfyrwyr. Rydym yn gweithio i:

• Osgoi gor-asesu - Lleihau gormod o asesiadau fel y gallwch chi ganolbwyntio ar ddysgu.
• Dosbarthu asesiadau'n fwy cyfartal - Gan sicrhau nad yw'r holl ddyddiadau cau'n dod ar unwaith.
• Gwneud asesiadau'n fwy ystyrlon - Canolbwyntio ar asesiadau sydd wir yn adlewyrchu'r hyn rydych chi wedi’i ddysgu.

Byddant. Mae cynaliadwyedd, moeseg, a'r argyfwng hinsawdd yn themâu allweddol Trawsnewid y Cwricwlwm. Rydym yn ychwanegu'r rhain at gyrsiau i sicrhau eich bod yn:

• Deall yr heriau sy'n wynebu cymdeithas a'r blaned.
• Datblygu sgiliau a fydd yn eich helpu i gyfrannu at ddatrysiadau yn eich gyrfa yn y dyfodol.
• Barod i weithio mewn diwydiannau lle mae cynaliadwyedd yn dod yn fwyfwy pwysig.

Mae cynwysoldeb yn ffocws mawr wrth Drawsnewid y Cwricwlwm. Rydym eisiau i’n holl fyfyrwyr deimlo eu bod wedi'u cefnogi a’u gwerthfawrogi. Mae hyn yn golygu:

• Sicrhau bod addysgu, deunyddiau ac asesiadau'n hygyrch i bawb.
• Adlewyrchu cefndiroedd ac anghenion amrywiol myfyrwyr mewn cynnwys cyrsiau.
• Darparu mwy o gymorth lle mae ei angen i helpu pob myfyriwr i lwyddo.