Mae'n bwysig cofrestru cyn i'ch gweithgareddau addysgu ac ymchwil ddechrau i gael mynediad at addysgu, dysgu ar-lein, deunyddiau cwrs digidol, cyfleusterau ar y campws a derbyn tystysgrif.
Dylech gynllunio i gyrraedd a chael rhywle i fyw o fewn pellter cymudo i gwrs ar un o’n campysau yn Abertawe.
I gael gwybod pryd bydd cofrestru'n dechrau, darllenwch ein hamserlen gofrestru. Os byddwch yn cyrraedd yn hwyr, cysylltwch Hwb ar unwaith i drafod eich cynlluniau.
Cofrestru ar y campws
Mae'n bwysig cofrestru'n bersonol eich pasbort o'r tu allan i'r DU/Iwerddon a'ch dogfennau mewnfudo o ran yr hawl i astudio neu eich côd rhannu eVisa cyn gynted â phosibl ar ôl i chi gyrraedd, gyda'r Gwasanaethau Cydymffurfiaeth Myfyrwyr. Ar ôl i'ch dogfennau gael eu cofrestru, gallwch gwblhau'r camau cofrestru eraill ar-lein.
I gael gwybodaeth am drefnu apwyntiadau a chasglu BRP, gweler y dudalen we a'r fideo am gydymffurfiaeth fisâu.
Cofrestru o bell
Os ydych ar leoliad dramor, yn astudio eich cwrs yn gyfan gwbl dramor neu'n dysgu o bell/ar-lein, e-bostiwch gopi o'r dudalen pasbort ynghyd â'ch llun a chynnwys eich rhif myfyriwr i Gydymffurfiaeth Fisâu, a fydd yn eich cynghori ar y camau nesaf.
Angen cymorth wrth gofrestru?
Cysylltwch â'r Tîm Fisâu
Gwiriwch nad yw eich fisa wedi dod i ben a’i bod yn ddilys am hyd eich cwrs. Os oes angen i chi estyn eich fisa, cysylltwch â'n Tîm Fisâu Rhyngwladol cyn gynted â phosibl.
Cyn cofrestru ar-lein, cwblhewch wiriad hawl i astudio drwy gofrestru eich pasbort a'ch fisa wyneb yn wyneb. Fel arall, os ydych chi'n astudio o dramor, e-bostiwch gopi o'ch pasbort i visa.advice@abertawe.ac.uk a byddant yn cysylltu â chi ynglŷn â'r camau nesaf.
Oes angen cymorth arnoch chi i fewngofnodi?
Y cam cyntaf o gofrestru ar-lein yw gwirio eich bod wedi cofrestru dogfennau hawl i astudio.
Os nad ydych wedi pasio'r gwiriad hwn o'r blaen, lanlwythwch eich pasbort o'r DU neu Iwerddon neu dair dogfen amgen i wirio eich hunaniaeth, eich cenedligrwydd, eich statws ffïoedd a’ch cymhwysedd i gael benthyciad myfyriwr neu gyllid arall.
Lanlwytho pasbort o'r DU neu Iwerddon
Gwnewch yn siŵr nad yw'ch pasbort wedi dod i ben a bod gennych ddelwedd glir o'r dudalen wedi'i sganio sy'n cynnwys eich llun a'ch gwybodaeth bersonol (rhif eich pasbort, eich enw, eich man geni, etc) yn unig. Peidiwch â chynnwys y dudalen gyferbyn â thudalen y llun gan fod hyn yn lleihau ansawdd y ddelwedd.
Cwblhewch y ffurflen yn ofalus a sicrhau bod yr wybodaeth a ddarperir yn gywir ac mae'n rhaid cwblhau'r holl feysydd - gweler y canllawiau isod ynglŷn â sut i gwblhau pob maes:
Lanlwytho TAIR dogfen amgen os ydych chi'n Brydeinig ac nid oes gennych basbort
Dilysu
Byddwn yn gwirio eich dogfennau a bydd y tab Hawl i Astudio yn newid i gynnwys "tic" pan fydd eich dogfennau wedi’u derbyn. Fel arall, bydd angen i chi lanlwytho o'r newydd ddogfen a wrthodwyd.
Angen cymorth?
Os oes gennych chi ymholiadau am gofrestru hawl i astudio myfyrwyr o'r DU ac Iwerddon, cysylltwch â Cofnodion Myfyrwyr.
Datganiad cofrestru
Cydsyniad i rannu data ar gyfer gwasanaethau a chytuno i:
Gwiriwch a diweddaru data personol, eich cyfeiriad cartref a manylion cydraddoldeb ac amrywiaeth. Rhowch eich cyfeiriad a'ch côd post yn y DU yn ystod y tymor neu fel arall rhowch eich cyfeiriad astudio dramor yn ystod y tymor.
Angen dod o hyd i gôd post eich llety yn y brifysgol? Porwch godau post llety ar y campws.
Mae Prifysgol Abertawe'n credu mewn cyfle cyfartal ac rydym yn ymdrechu i ddarparu amgylchedd gweithio a dysgu lle na cheir gwahaniaethu annheg, gan alluogi myfyrwyr a staff i gyflawni eu potensial personol.
Mae gennych yr hawl i wrthod rhoi eich gwybodaeth os dymunwch.
Mae'r adran hon o'r dudalen gofrestru hefyd yn cynnwys mwy o wybodaeth am Fonitro Cydraddoldeb yn y blwch ar yr ochr dde os hoffech gael rhagor o wybodaeth.
Mae'n bwysig ein bod ni'n gwybod a oes gennych chi anableddau fel y gallwn ni eich cefnogi, er bod gennych chi hefyd yr hawl i wrthod rhoi gwybodaeth am eich anableddau os dymunwch.
Bydd manylion eich astudiaeth wedi'u llenwi ymlaen llaw felly gwiriwch ddwywaith bod y manylion hyn yn gywir.
Os ydych chi wedi penderfynu newid eich cwrs, dylech chi gofrestru ar-lein o hyd. Bydd hyn yn sicrhau eich bod yn derbyn eich taliad benthyciad/grant yn brydlon ac yn cael mynediad at eich cyfrifon llyfrgell a TG yn y Brifysgol. Wrth ddychwelyd, cysylltwch Hwb a fydd yn cyflwyno cais i newid cynllun ar eich rhan.
Gwiriwch a dewiswch ar-lein y modiwlau y byddwch chi'n eu hastudio (lle bo'n berthnasol).
Efallai y bydd gennych fodiwlau gorfodol yn ogystal â rhai dewisol. Gwnewch yn siŵr eich bod wedi dewis digon o fodiwlau i fod gyfwerth â 120 credyd a bod eich modiwlau wedi'u rhannu'n gyfartal dros bob semester.
Cam olaf cofrestru yw talu eich ffi neu sicrhau benthyciad cyllid myfyriwr, bwrsariaeth, ysgoloriaeth neu grant i'w thalu ar eich rhan.
Myfyrwyr a ariennir
Os oes gennych fenthyciad myfyriwr sy’n talu 100% o’ch ffïoedd, neu fwrsariaeth, ysgoloriaeth neu grant gan y brifysgol i dalu eich ffïoedd dysgu ar eich rhan, yna ni fydd angen i chi wneud taliad pan fyddwch chi'n cofrestru ar-lein.
Os oes gennych chi nawdd arall, er enghraifft os yw llysgenhadaeth neu gyflogwr neu ymddiriedolaeth yn talu tuag at eich ffïoedd, anfonwch ffurflen Cadarnhau Nawdd neu lythyr noddwr drwy e-bost i studentfinance@abertawe.ac.uk a bydd y Swyddfa Cofnodion Myfyrwyr yn anfon e-bost atoch pan fydd y manylion wedi'u cofnodi a gallwch chi gwblhau cofrestru ar-lein.
Myfyrwyr sy'n ariannu eu hunain
Yng ngham talu ffïoedd cofrestru ar-lein gallwch:
Tynnu cais yn ôl am beidio â thalu
Mae'n bwysig iawn sicrhau bod gennych ddigon o gyllid i dalu am eich astudiaethau ar amser i osgoi'r risg o gael eich tynnu'n ôl o'r brifysgol. Am fanylion ynghylch pryd i dalu, darllenwch amserlenni talu a therfynau amser.
Angen cyngor ar daliadau?
Edrychwch ar ein tudalennau gwe isod neu anfonwch e-bost neu sgwrsiwch yn fyw ag aelod o staff yn y Swyddfa Incwm Cyllid
Pan fyddwch chi'n gwasgu'r botwm Gorffen, dylech chi weld neges ar y sgrîn a derbyn e-bost yn cadarnhau eich bod chi wedi cofrestru'n llwyddiannus.
Sefydlu myfyrwyr israddedig ac ôl-raddedig a addysgir
Cwrdd â staff a gwneud ffrindiau yn eich sesiynau sefydlu a digwyddiadau Croeso eraill.
Ewch i sgwrs sefydlu am eich astudiaethau, eich tiwtoriaid, amserlen eich modiwlau, iechyd a diogelwch, cyfleusterau TG.
Gwiriwch eich amserlen addysgu a mynd i ddosbarthiadau ar ddechrau'r tymor
Erbyn dechrau'r tymor dylech fod wedi dewis eich modiwlau, fel arfer 120 credyd ar gyfer astudiaethau amser llawn neu 60 credyd os ydych chi'n astudio ar sail ran-amser. Os oes angen i chi newid eich dewis o fodiwlau, gofynnwch i'r tîm cymorth myfyrwyr yn eich ysgol am gyngor cyn cofrestru ar gyfer modiwl.
Sefydlu myfyrwyr ymchwil
Ewch i sgwrs sefydlu am y system rheoli ymchwil (ap RMS e:Vision), cyfranogiad a phresenoldeb, iechyd a diogelwch, cyfleusterau TG a'ch cynllun gwaith.
Drwy gydol eich ymgeisyddiaeth, bydd y system RMS yn anfon nodiadau atgoffa misol drwy e-bost ynglŷn â llofnodi'ch cyfranogiad, a bob 3 mis bydd angen i chi roi manylion ar RMS ar gyfer eich cyfarfodydd â'ch goruchwyliwr a'ch cyfarfodydd dilyniant. Gofynnwch i'ch goruchwyliwr lofnodi'r cyntaf o'ch digwyddiadau cyfranogiad a phresenoldeb misol yn y System Rheoli Ymchwil (RMS).
Cofiwch gofnodi eich cadarnhad o ymgeisyddiaeth yn y System Rheoli Ymchwil (RMS) a llofnodi gyda'ch goruchwyliwr yn ystod trydydd mis eich astudiaethau.
I weld manylion am gyfarfodydd â'ch goruchwyliwr, cyfranogiad a phresenoldeb yn y System Rheoli Ymchwil (RMS), mewngofnodwch i'ch cyfrif MyUni a chliciwch ar yr ap e:Vision.
Mae'n hanfodol cofrestru i gyfranogi'n llawn yn eich astudiaethau. Os na allwch gofrestru na chyrraedd ar amser neu os na allwch gymryd rhan yn eich astudiaethau, cysylltwch â'ch cyfadran ar unwaith.
I gael mynediad at gynnwys digidol ar-lein ac ymuno â'r addysgu, bydd angen i chi fod wedi cwblhau cofrestru eich hawl i astudio, llofnodi'r datganiad myfyriwr a dewis modiwlau.
Edrychwch ar Fy Amserlen am fanylion ynglŷn â phryd a ble i sweipio’ch cerdyn adnabod wrth gyrraedd darlithfeydd a defnyddio Canvas ac apiau dysgu ar-lein eraill.
Os ydych chi'n fyfyriwr ymchwil, dylech chi gysylltu â'ch goruchwylwyr yn rheolaidd bob mis fel y gallant "gadarnhau" yn yr ap rheoli ymchwil e:Vision eich bod wedi ymgymryd ag ymchwil neu eich bod ar y trywydd iawn i gyflwyno traethawd ymchwil, cymryd rhan mewn arholiad llafar neu gwblhau cywiriadau.
Os oes angen llythyr arnoch sy'n cadarnhau eich bod yn fyfyriwr, er enghraifft i agor cyfrif banc neu hawlio eithriad o'r dreth gyngor, ewch i'n tudalen MyUniHub am fanylion.
Benthyciad Myfyriwr
Ar ôl i chi gwblhau'r holl gamau cofrestru, mae'r Swyddfa Cofnodion Myfyrwyr yn anfon cadarnhad o bresenoldeb i'r Cwmni Benthyciadau Myfyrwyr (SLC) sy'n sbarduno'r taliad cynhaliaeth cyntaf gan Student Finance England, Cyllid Myfyrwyr Cymru, Student Finance Scotland neu Student Finance Northern Ireland i'ch cyfrif banc chi ynghyd â thaliad am ffïoedd dysgu i'r Brifysgol (pan fo hynny'n briodol).
Mae taliadau cynhaliaeth cyllid myfyrwyr naill ai'n cael eu talu ar ddiwrnod cyntaf y tymor neu, os ydych chi'n cofrestru ar ôl i'ch cwrs ddechrau, ymhen 5 niwrnod gwaith ar ôl i chi gofrestru.
Ysgoloriaethau a bwrsariaethau i israddedigion ac ôl-raddedigion
Ar ôl i chi gwblhau'r holl gamau cofrestru, mae'r Swyddfa Cofnodion Myfyrwyr yn anfon cadarnhad o'ch cofrestriad i'n hadran Gyllid sy'n sbarduno taliad cyntaf eich ariantal ymhen 5 niwrnod gwaith.
Taliadau
Efallai na fydd taliadau'r Brifysgol yn cyrraedd eich cyfrif erbyn diwrnod cyntaf y mis. Os ydych chi'n dibynnu ar y taliad hwn i dalu biliau neu wneud taliadau rheolaidd eraill, er mwyn osgoi cael gorddrafft rydym yn awgrymu eich bod yn trefnu i randaliadau ddechrau ar ôl y 7fed diwrnod o'r mis.
Os ydych chi'n meddwl bod taliad yn hwyr, cysylltwch â'r aelod o staff neu'r adran a gymeradwyodd eich ysgoloriaeth neu eich bwrsariaeth gan y brifysgol.
Amdanom ni
Mae Prifysgol Abertawe yn Sefydliad Addysg Uwch sydd â phwerau dyfarnu graddau ac mae'n elusen gofrestredig.
Eich Cyfrifoldebau
Eich cyfrifoldeb chi yw sicrhau bod eich manylion personol yn gyfredol.
Gwybodaeth rydym yn ei chasglu amdanoch chi
Rydym yn casglu gwybodaeth amdanoch chi pan fyddwch chi'n cofrestru gyda ni. Rydym hefyd yn casglu gwybodaeth pan fyddwch chi'n cwblhau arolygon yn wirfoddol ac yn rhoi adborth. Cesglir gwybodaeth am ddefnydd o'r wefan drwy ddefnyddio cwcis.
Sut byddwn ni'n defnyddio'ch gwybodaeth
Rydym yn casglu gwybodaeth amdanoch chi i gofnodi eich manylion personol, eich cynnydd academaidd, i reoli eich mynediad i gyfleusterau'r Brifysgol ac i e-bostio neu anfon negeseuon atoch am ddigwyddiadau, asesiadau academaidd a gwasanaethau yr ydym yn credu y gallent fod o ddiddordeb i chi fel y’i crybwyllir yn y Siarter Myfyrwyr.
Pwy sy'n cael eich gwybodaeth
Pan fo angen, bydd gwybodaeth bersonol yn cael ei rhannu'n fewnol ledled y Brifysgol ac yn allanol ag asiantaethau a sefydliadau yn unol â'n cyfrifoldebau statudol ac o dan y ddeddfwriaeth Diogelu Data gyfredol.
Am faint cedwir eich gwybodaeth
Bydd Prifysgol Abertawe yn cadw eich gwybodaeth bersonol yn unol â Pholisi Rheoli Cofnodion y Brifysgol.
Datganiad Preifatrwydd
I gael manylion llawn am eich hawliau mynediad, y polisi cadw gwybodaeth, diogelwch data, gyda phwy rydym yn rhannu data a sut i gysylltu â Swyddog Diogelu Data y Brifysgol os oes gennych gwestiynau am ein polisi preifatrwydd, gweler ein Hysbysiad Preifatrwydd Myfyrwyr.
